Thursday, July 26, 2012

Watatu wafa katika ajali tofauti tofauti mkoani Dodoma



Na. Luppy Kung’alo, Jeshi la Polisi Dodoma

Watu watatu wamepoteza maisha katika matukio matatu tofauti ya Ajali za Usalama Barabarani jana na kuacha wengine majeruhi katika Mkoa wa Dodoma.

Kaimu Kamanda wa Polisi Mkoa wa Dodoma, Kamishna Msaidizi wa Jeshi la Polisi Bw. Edmund Urio alisema tukio la kwanza lilihusisha Mpanda PikiPiki kugonga Mkokoteni ambalo lilitokea siku ya Jumatano tarehe 26/07/2012 majira ya saa sita na dakika tano usiku katika Barabara kuu ya Dodoma /Morogoro eneo la Kibaigwa Wilayani Kongwa

Akizungumzia tukio hili Bw. Edmund Urio alisema kwamba Piki Piki No. T. 202 BDH aina ya FERICON iliyokuwa ikiendeshwa na Joseph Hekela mweye umri wa miaka (27) Mkazi wa kibaigwa iligonga Mkokoteni kwa nyuma uliokuwa ukiendeshwa Barabarani na kusababisha kifo kwa Mpanda pikipiki huyo.

Kamanda Edmund Urio alisema chanzo cha ajali hiyo ni uzembe wa mwendesha Pikipiki kwa kutofuata sheria kwani hakupaswa kuwa katika mwendo wa kasi, na kwa mujibu taratibu taa zake zinapaswa kumulika umbali wa mita mia tatu hivyo alipaswa kuuona mkokoteni huo uliokuwa mbele yake.

“Muendesha Mkokoteni naye ana makosa kwani muda wa chombo hicho kutumia Barabara mwisho wake ni saa kumi na mbili jioni, sasa mpaka muda huo wa saa sita usiku kuwepo barabarani ni makosa” Alifafanua Kamanda Urio

Bw. Edmund Urio alisema Muendesha Mkokoteni huo  amekimbia na anatafutwa kwa kosa la kuendesha mkokoteni kwa muda usioruhusiwa na pindi atakapo kamatwa atachukuliwa hatua za kisheria kwa mujibu wa sheria, kanuni na taratibu zinavyotaka.

Katika ajali nyingine iliyohusisha mpanda Pikipiki kuwagonga watembea kwa miguu na kusababisha kifo na majeruhi, Kamanda Edmund Urio Alisema ilitokea mnamo tarehe 25/07/2012 majira ya saa moja na dakika saba jioni (19:07hrs) katika eneo la Ipagara Kata ya Ipagara na Wilaya ya Dodoma kwenye Barabara kuu ya Dodoma/Morogoro.

Akizungumzia ajali hiyo alisema Pikipiki No. T. 662 BKC aina ya LIFAN iliyokuwa ikiendeshwa na mtu asiyefahamika  jina  iliwagonga watembea kwa miguu wawili na kusababisha kifo cha mmoja wao aliyejulikana kwa jina la Theresia Chansi mwenye umri wa miaka (37) mgogo na mkazi wa Ipagara amabaye alifariki wakati akipatiwa matibabu katika Hospitali ya Mkoa wa Dodoma.

 “Katika Ajali hiyo kulikuwa na majeruhi wawili ambao ni Mpanda Piki Piki mwenyewe ambaye amepoteza fahamu na amelazwa wodi namba (1) pamoja na Magreth Daniel mwenye umri wa miaka (40) na mkazi wa Ilazo mjini Dodoma ambaye naye amelazwa katika hospitali hiyo ya mkoa wodi namba (10).” alieleza Bw. Edmund Urio.

Kaimu Kamanda huyo wa Mkoa wa Dodoma alisema chanzo cha ajali hiyo ni mwendo wa kasi aliokuwa akiendesha mpanda Pikipikki huyo, uliosababisha kushindwa kudhibiti Piki piki yake wakati wakinamama hao walipokuwa wakivuka barabara.

Aidha katika tukio la tatu Kamishna Msaidizi huyo wa Jeshi la Polisi Bw. Edmund Urio alisema gari No. T 668 AYQ aina ya FUSO lilokuwa likiendeshwa na Bw. Philipo Wami mwenye umri wa miaka (30) mkazi wa Msanga liliacha njia na kupinduka kisha kusababisha kifo kwa mtu mmoja aliyetambulika kwa jina la Henry Wami mwenye umri wa miaka (19) na mkazi wa Msanga.

Alisema ajli hiyo lilitokea tarehe 25/07/2012 majira ya saa moja kamilia asubuhi (07:00 hrs) katika maeneo ya Kijiji cha Msanga Wilaya ya Chamwino.

Kamanda Edmund Urio alisema Uchunguzi wa awali unaonyesha kuwa chanzo cha ajali hiyo ni kutokana na kushindwa kufanya kazi kwa mfumo wa usukani, uliosababisha gari hiyo kupoteza muelekeo na kupinduka.

Hata hivyo Kamanda Edmund Urio amewaasa watumiaji wote wa barabara kuwa makini na matumizi sahihi ya bararabara ikiwa pamoja na kufuata na kuheshimu sheria za usalama barabarani ili kuepuka ajali zinazoweza kuepukika.
Posted by at 0 comments

Azania Bank gives 65m/- to supports slam upgrading project



 Minister for Lands, Housing and Human Settlement Prof. Anna Tibaijuka speaks shortly before the launch of loan facility to support a project of upgrading conditions of houses in the unplanned and underserved settlements, held at Manzese Mvuleni ward in Kinondoni District, Dar es Salaam early this week. Azania Bank Tanzania gave out 65m/- to support the first phase of the project which is managed by Tanzanian Financial Services for Underserved Settlements (TAFSUS). Right is Managing Director of Azania Bank Tanzania Mr. Charles Singili and left is Board Chairman for TAFSUS Mr Salmon Odungo. Picture by correspondent.


Managing Director of Azania Bank Tanzania Mr. Charles Singili (right) hands over a dummy cheque to the Minister for Lands, Housing and Human Settlement Prof. Anna Tibaijuka during a short ceremony to launch  loan facility to support a project of upgrading conditions of houses in the unplanned and underserved settlements managed by Tanzanian Financial Services for Underserved Settlements (TAFSUS). The function was held early this week at Manzese Mvuleni ward in Kindondoni district, Dar es Salaam region. Picture by correspondent.


By Correspondent

Azania Bank Tanzania has dished out 65,158,000m/- as a soft loan to Tanzanian Financial Services for Underserved Settlements (TAFSUS) in support of its project of upgrading conditions of houses in the unplanned and underserved settlements.
According to TAFSUS, the loan will benefit 15 households in Manzese area Mvuleni ward, Kinondoni district in Dar es Salaam that will see beneficiaries improving the state of their houses.
Speaking during a short ceremony to hand over the cheque, Minister for Lands, Housing and Human Settlement Prof. Anna Tibaijuka said projects of improving housing conditions and settlements, anywhere in the world cannot succeed without the support of banking industry.
She said banks and other financial institutions in the country should be in the forefront to offer financial support to citizens who wish to buy houses or renovate the existing ones in order to help in upgrading values of houses in the unplanned and underserved settlements. 
"It is not easy for normal citizens to buy a house without the support of financial institutions like banks. It is against this background that I as a Minister for Lands Housing and Human Settlement want to applaud the move taken by Azania Bank Tanzania to partner with TAFSUS in a bid to support this project which was earmarked as a pilot project. It is the wish of my Ministry and the Government to see that other unplanned and underserved settlements in other towns in the country also gets support and their living standards are improved," said Prof. Tibaijuka.
Speaking shortly before welcoming the minister, the Managing Director of Azania Bank Tanzania, Mr. Charles Singili wanted the rest of Tanzanians dwelling in unplanned and unserviced settlements to team up by forming groups that will make it easy for them to access loans through organizations like TAFSUS and other financial institutions, loans that will be used in upgrading their living environment.
"Our bank is out to support such noble projects. What is required of you is to have a daring heart. Have an ambition and a strong will to transform your living environment. You can form groups as was done by 15 households in Mvuleni in order to ask for loans from us (banks) or organizations like TAFSUS,” he said.

Earlier, Board Chairman for TAFSUS Mr Salmon Odungo mentioned that about 457,337,900/= has been approved as loans meant for upgrading houses in unplanned and underserved settlements.
He wanted beneficiaries of the first bunch of this loan to show diligence in trying to keep up with the loan regulations in order to make sure that they repay the loan in time to give others and opportunity also to benefit from the project.

"We thank Azania bank for being the first bank to dare participate in this project, which will see improvement of unplanned and underserved settlements in our country. I would like to request other financial institutions to come up and support us in order to achieve the goal of ensuring that dwellers of the affected areas, don’t feel the neglected," said Mr. Odunga.

NAIBU WAZIRI WA UCHUKUZI MHE. DKT. CHARLES TIZEBA (MB) AFANYA ZIARA KATIKA BANDARI YA DAR ES SALAAM JANA


Meneja Msaidizi wa Bandari ya Dar es Salaam, Bi. Winnie Mulindwa, akitoa taarifa ya namna Bandari ya Dar es Salaam inavyofanya kazi kwa Naibu Waziri wa Uchukuzi, Dkt. Charles Tizeba (aliyeshika kichwa), ambaye amefanya ziara ya siku moja katika Bandari ya Dar es salaam. Kushoto kwa Naibu Waziri ni Katibu Mkuu wa Wizara hiyo Mhandisi Omar Chambo, Kulia kwa Katibu Mkuu ni Naibu Katibu Mkuu wa Wizara hiyo,Bw. John Mngodo, Kushoto kwa Meneja Bandari Msaidizi ni Mkurugenzi wa Idara ya Usalama na Mazingira kutoka Wizara ya Uchukuzi,Bi. Tumpe Mwaijande.

Mkurugenzi Mtendaji wa Kampuni ya kupakua na kupakia makontena Bandarini (TICTS), Bw. Neville Bisett akifafanua jambo kwa Naibu Waziri wa Uchukuzi, Dkt. Charles Tizeba (Mwenye Suti ya Mikono Mifupi),wakati alipofanya ziara ya siku moja kuangalia ufanisi wa Kampuni hiyo katika Bandari ya Dar es Salaam leo.Kulia kwa Naibu Waziri ni Naibu Katibu Mkuu wa Wizara ya Uchukuzi,Bw. John Mngodo.

Naibu Waziri wa Wizara ya Uchukuzi, Dkt. Charles Tizeba akifafanua jambo kwa uongozi wa Wizara, Bandari na Mkurugenzi Mtendaji wa Kitengo cha Kupakia na kupakua makontena TICTS, kulia kwa Naibu Waziri ni Naibu Katibu Mkuu wa Wizara ya Uchukuzi, Bw. John Mngodo, Kushoto kwa Naibu Waziri ni Meneja Msaidizi wa Bandari ya Dar es Salaam, Bi Winnie Mulindwa, Katibu Mkuu wa Wizara hiyo(aliyevaa tai ya blue), Mhandisi Omar Chambo, na Kulia kwa Katibu Mkuu ni Mkurugenzi Mtendaji wa Kampuni ya Kupakua na Kupakia Makontena (TICTS), Bw. Neville Bisett.


Naibu Waziri wa Uchukuzi,Dkt. Charles Tizeba (Mb),akiongea na baadhi ya Wakurugenzi wa Mamlaka ya Bandari Tanzania(hawapo pichani),wakati alipotembelea Taasisi hiyo leo jijini Dar es Salaam,Kushoto kwa Naibu Waziri ni Katibu Mkuu wa Wizara ya Uchukuzi, Mhandisi Omar Chambo, Naibu katibu Mkuu wa Wizara hiyo (wa pili kushoto),Bw. John Mngodo. Na aliyevaa Kizibao ni Meneja Msaidizi wa Bandari ya Dar es Salaam,Bi. Winnie Mulindwa.(Picha Kitengo cha Mawasiliano Serikalini-Uchukuzi)


Mgeni rasmi katika uzinduzi huo,waziri wa mawasiliano na uchukuzi Dr. Harrison Mwakyembe akimkabidhi Mkurugenzi mtendaji wa masoko wa shirika hilo Bw. Marwan Koleilat  kwa niaba ya shirika hilo la ndege la Qatar zawadi ya picha yenye kivuli cha Mlima Kilimanjaro .
Mkurugenzi mtendaji wa masoko wa shirika la Qatar Bw. Marwan Koleilat  kwa niaba ya shirika hilo akimpa Mgeni rasmi katika uzinduzi huo,waziri wa mawasiliano na uchukuzi Dr. Harrison zawadi  ya yenye nembo ya ndege ya shirika hilo la Qatar.
Mgeni rasmi katika uzinduzi huo,waziri wa mawasiliano na uchukuzi Dr. Harrison akizungumza mbele ya wageni waalikwa wakiwemo na wahariri wa habari kutoka vyombo mbalimbali (hawapo pichani),mapema leo kwenye uwanja wa ndege wa Kimataifa KIA.
Mkurugenzi mtendaji wa masoko wa shirika la Qatar Bw. Marwan Koleilat  kwa niaba ya shirika hilo akizungumza mbele ya wageni waalikwa wakiwemo na wahariri wa habari kutoka vyombo mbalimbali (hawapo pichani),mapema leo kwenye uwanja wa ndege wa Kimataifa KIA.
Kutoka kulia ni Mkurugenzi mtendaji wa masoko wa shirika la Qatar Bw. Marwan Koleilat,Waziri wa Uchukuzi Dr.Harrison Mwakyembe,Mwenyekiti wa Bodi ya Wakurugenzi ya KADCO, Balozi Hassan Omar Gumbo Kibelloh pamoja na Waziri wa Maliasili na Utalii Balozi Khamis Kagasheki wakijadiliana jambo.
Mwenyekiti wa Bodi ya Wakurugenzi ya KADCO, Balozi Hassan Omar Gumbo Kibelloh lakizungumza machache na pia kumkaribisha mgeni rasmi na wageni waalikwa mbalimbali waliofika kwenye hafla hiyo mapema leo iliofanyika kwenye uwanja wa KIA.
 Wakuu wa uzinduzi wakipga makofi kwa pamoja mara baada ya uzinduzi huo.
Mgeni rasmi katika uzinduzi huo,waziri wa mawasiliano na uchukuzi Dr. Harrison akipiga makofi wakati kikundi cha ngoma za asili kikitumbuiza,shoto kwake ni Mkurugenzi mtendaji wa masoko wa shirika la Qatar Bw. Marwan Koleilat 
Mwenyekiti wa Bodi ya Wakurugenzi ya KADCO, Balozi Hassan Omar Gumbo Kibelloh akimkaribisha Mkurugenzi mtendaji wa masoko wa shirika la Qatar Bw. Marwan Koleilat mara baada ya kuwasili na ndege ya shirika hilo aina ya Ndege namba QR546,shoto kwake ni  Waziri wa Maliasili na Utalii Balozi Khamis Kagasheki
Picha ya pamoja mara baada ya Shirika la ndege la serikali ya Qatar (Qatar airways) leo kuzindua  huduma ya safari zake za anga kutoka Kilimanjaro kuelekea sehemu mbalimbali za dunia kila siku na kufanya huduma za safari za anga kufikia zaidi miji 118.


Bajeti ya Wizara ya Mawasiliano, Sayansi na Teknolojia yapitishwa kwa mwaka 2012/13

Waziri wa Mawasiliano, Sayansi na Teknolojia, Profesa Makame Mnyaa Mbalawa, akizungumza na Mkurugenzi wa Kitengo cha Mawasiliano cha Kampuni ya Simu za mkononi Airtel Tanzania, Beatrice Singano nje ya Ukumbi wa Bunge mjini Dodoma, muda mfupi baada ya kupitishwa kwa Bajeti ya Wizara hiyo kwa mwaka 2012/13
Naibu Waziri Mawasiliano, Sayansi na Teknolojia, January Makamba (kushoto) akiwa na Meneja Mawasiliano wa Mamlaka ya Mawasiliano Tanzania, Innocent Mungy nje ya Ukumbi wa Bunge mjini Dodoma, muda mfupi baada ya kupitishwa kwa Bajeti ya Wizara hiyo kwa mwaka 2012/13

Naibu Waziri, Mawasiliano, Sayansi na Teknolojia, January Makamba akipongezwa na Mkurugenzi wa Kitengo cha Mawasiliano cha Kampuni ya Simu za mkononi Airtel Tanzania, Beatrice Singano nje ya Ukumbi wa Bunge mjini Dodoma muda mfupi baada ya kupitishwa kwa Bajeti ya Wizara hiyo kwa mwaka 2012/13

Watu wazidi kujinyakulia zawadi za promosheni ya VUMBUA HAZINA CHINI YA KIZIBO ya SBL

Meneja wa bia ya Serengeti bw Allan Chonjo akiongea na waandishi wa habari baada ya kuchezesha droo ya 12 katika promosheni ya ‘VUMBUA HAZINA CHINI YA KIZIBO na SBL, kulia ni Tumainieli Mlisa kutoka PWC na kushoto ni Bakari Maggid kutoka bodi ya taifa ya bahati nasibu.Washindi katika droo hiyo ni Kosmas George Bugomora 41 kutoka mkoa wa Mwanza na bw.Sebastian Temu 48 kutoka Dar es Salaam ambao wote kwa pamoja wamejishindia jenereta huku bw.Deo Mkama 47 kutoka mkoani kilimanjaro ambaye  amejinyakulia bajaj mpya.
Meneja wa bia ya Serengeti bw Allan Chonjo katikati akiongea na mmoja wa washindi wa promosheni ya ‘VUMBUA HAZINA CHINI YA KIZIBO na SBL, kupitia simu ya mezani,kulia ni Bakari Maggid mkaguzi kutoka bodi ya taifa ya bahati nasibu, wengine ni wasimamizi kutoka PWC. Hii ni droo ya 12 katika promosheni ya vumbua hazina chini ya kizibo inayoendeshwa na kampuni ya bia ya Serengeti kwa takriba wiki 15 sasa.


SERIKALI IMESEMA HAIJADHULUMU MALIPO YA WAHANGA



NA MAGRETH KINABO – MAELEZO
 SERIKALI imesema kuwa hakuna malipo  ya kiasi  kidogo cha fedha kilicholipwa kwa waathirika wa mlipuko wa  mabomu ya  Kambi ya jeshi  ya  Mbagala yaliyotokea mwaka 2009 kama ilivyoripotiwa na gazeti moja la kila wiki la hapa nchini hivi karibuni. 

Akizungumza na Idara ya Habari( MAELEZO) jana ofisini kwake , Mkuu wa Mkoa wa Dar es Salaam, Said Meck Sadick alisema hakuna fidia ya Shs. 1400  na Shs. 2500 iliyotolewa kuwa ni ya uharibifu wa jumla ya fidia za malipo kwa wahanga hao, bali malipo hayo ni tofauti ya kiasi cha fedha kilichokuwa  kinadaiwa na wahanga hao ambacho kilichobakia.

‘’ Unajua malipo ya wahanga  hao yalifanyika katika awamu mbili.  Hivyo kiasi cha fedha  cha malipo hayo yaliyotolewa katika hundi hizo , ambayo iliripotiwa katika gazeti hilo ni malipo ya awamu ya tatu.  Malipo hayo ni tofauti ya fedha  kilichokuwa  kinadaiwa na si kweli kuwa wahanga hao walilipwa fedha hizo kama jumla ya fidia za malipo yao,’’ alifafanua Mkuu huyo wa Mkoa.

Mkuu huyo wa Mkoa, aliongeza kuwa habari hiyo iliyoandikwa  sio sahihi na haikufuata maadili ya uandishi wa habari kwani hakuweka wazi usahihi wa taarifa hiyo.Serikali haijamdhulumu mtu yeyote, bali inalipa kutokana malipo stahili.

‘’Ninaomba waandishi wa habari waandike habari walizozifanyika utafiti wa kina wa pande zote ilikuepusha utoaji wa taarifa zisizosahihi,’’ alisisitiza.

Aidha Mkuu huyo alisema malipo ya waathirika hao yanatolewa kwa awamu tofauti na kwa idadi ya watu maalum, kwa sababu ya kuepusha utoaji wa malipo yasiyostahili. Hivyo aliwataka waathirika hao kuvuta subira kwa kuwa  malipo hayo bado yanaendelea.

Naye Mtathimini Mkuu wa malipo hayo, Victor  Ndonne akizungumzia kuhusu suala hilo alisema hundi za malipo ya sh. 1000 na zilizotajwa hapo juu ni za tofauti ya kiasi cha fedha kilichobakia baada ya  wahanga hao kutoridhika na malipo hayo yaliyotolewa katika awamu ya kwanza na awamu ya pili.

‘’ Fedha hizi zimelipwa baada ya kufanyika kwa tathimini mpya Agosti 18 mwaka 2011, ambapo ilioneka baadhi ya wahanga  hawakurithika  na fidia walizolipwa,’’ alisema Ndonne .

Alifafanua kuwa orodha ya wahanga wanaodaii malipa yao ni 2,575,  hivyo hundi zilizotolewa hadi sasa ni 295 kwa ajili ya malipo hayo, ambapo hundi 244 zimeshakabidhiwa kwa wananchi husika, hundi nyingine 18 majina yamebandikwa katika eneo la Mbagala Kuu na Ofisi ya Mkurugenzi wa  Wilaya ya Temeke, zaidi ya wiki moja iliyopita na wanasubiri wananchi waende kuchukua.

Ndonne alisema hundi 32 zimeonekana kuwa na matatizo mbalimbali  mfano majina ya vitambulisho vyao ni tofauti na yaliyoandikwa katika hundi na majina mengine ya hundi hizo wahusika wameshafariki dunia. Aidha aliongeza kuwa hundi moja imeonekana majina yamejirudia.

Alisema kuwa hundi za malipo ya fedha ya wahanga hao  zilitolewa kabla ya mwisho wa mwaka wa fedha uliopita. Malipo ya fedha zingine zitatolewa mwaka huu wa fedha wa 2012/2013 mara baada ya Serikali kuidhinisha.


ZITTO KABWE:NISIHUSISHWE NA MATAMSHI NA MAKANUSHO WA WABUNGE WALIOKUWA KIGOMA


 
Mbunge wa kigoma kaskazini, Naibu katibu Mkuu (CHADEMA) Zitto Kabwe.
Katika gazeti la Mwananchi la tarehe 23 Julai 2012, kulikuwa na habari yenye kusomeka 'Wabunge wamsafishia Zitto njia ya Urais 2015'. Habari hii imeleta mjadala mara baada ya kutoka na kusomwa. Mjadala umekuzwa zaidi baada ya Wabunge ndugu Halima Mdee na ndugu Joshua Nassari kukanusha maneno waliyonukuliwa kusema. Napenda kusema masuala yafuatayo.
Moja, Waheshimiwa Wabunge Halima Mdee, Joshua Nassari, Kangi Lugola, Esther Bulaya, Deo Filikunjombe, Raya Ibrahim, Amina Mwidau na David Kafulila walihudhuria tamasha la vijana wa Kigoma All Stars kwa kualikwa na Mratibu wa kundi hilo Mwasiti Almasi.
Wabunge wengine walialikwa lakini hawakutokea wakiwemo Joseph Mbilinyi, David Silinde, Amos Makala, Vicky Kamata na Peter Serukamba. Wabunge hawa hawakualikwa na mimi na wala sikufanya mazungumzo nao yeyote ya awali au kuwaambia au kukubaliana nini cha kuzungumza au hapana. Tamasha lilikuwa la muziki na halikuhusika kabisa na siasa.

Waheshimiwa wote walipewa nafasi ya kusalimia na wote walizungumza. Wabunge waliozungumza kwa muda mrefu kidogo ni ndugu Halima Mdee, Joshua Nassari, Deo Filikunjombe na Kangi Lugola.

Hotuba za Wabunge wote zilirekodiwa kwenye video neno kwa neno na Video hizo zitawekwa wazi kwenye blogu yangu kama sehemu ya documentary ya tamasha lile la kihistoria.

Pili, sikuhusika kwa namna yeyote ile na kuandikwa kwa habari hii iliyozusha mjadala. Wala sikujua kama habari hii ingeandikwa maana katika ziara ile sikuita mwandishi hata mmoja maana nilitaka liwe tukio la Kigoma tu.

Kama mwandishi kaandika ambayo wabunge hawa hawakuyasema basi itaonekana kwenye videos hizo. Wabunge wenyewe wanajua kwenye nafsi zao nini walisema Kigoma na kipi kiliwasukuma kusema walioyasema Kigoma. Nisingependa kuhusishwa kwa njia yeyote ile na matamshi yao, habari iliyowanukuu na hata makanusho yao. Maana mwisho wa siku ukweli ndio utasimama.

Suala la Urais lisitupotezee muda kwani kuna mambo mengi sana ya kujadili kuhusu nchi yetu. Taharuki ambazo watu wanazipata masuala ya urais yanapotajwa zinashangaza sana.

Chama changu bado hakijatangaza rasmi mchakato wa kupata mgombea Urais. Hivi sasa chama hakina mgombea Urais mpaka hapo mchakato utakapotangazwa ambapo wanachama wataruhusiwa kuomba kupeperusha bendera ya chama. Mwanachama wa chama chetu atakaye kubalika na jamii na wajumbe wa mkutano wa uteuzi ndiye atakuwa mgombea wetu. Kwa sasa hayupo na hivyo tusipoteze muda kujadili jambo hili.

Mzee Thabiti Kombo alituachia usia tunapokuwa tunazungumza. Alisema 'weka akiba' sio akiba ya fedha, bali ya akiba ya maneno. Tuweke akiba ya maneno. Tusimalize yote.

Zitto Kabwe(MB)


Mafunzo 1st EAC-GIZ Masterclass Photography yaendelea Arusha

 NAIBU Katibu Mkuu wa Jumuiya ya Afrika Mashariki (EAC), anayeshughulikia Shirikisho la Kisiasa, Dkt. Julius Rotich (kushoto) akifungua mafunzo ya siku tatu ya upigaji picha yajulikanayo kama ‘EAC-GIZ Master Class Photographers Training’ yaliyoanza Julai 23-26, 2012 mjini Arusha. Kulia ni Mkuu Mawasiliano na Mahusiano wa EAC, Owora Richard Othieno.
  Naibu Katibu Mkuu wa Jumuiya ya Afrika Mashariki (EAC), anayeshughulikia Shirikisho la Kisiasa, Dkt. Julius Rotich(akifafanua jambo kwa waandishi juu ya Mafunzo ya Upigaji picha ‘EAC-GIZ Master Class Photographers Training’
 Mkufunzi Mkuu wa Upigaji picha ambaye pia ni Mpigapicha kutoka Ujerumani ambaye anafanya shughuli zake nchini Kenya, Hartmut Fiebig akitoa maelekezo kwa wapigapicha.
 Bruno Birakwate (kushoto) na Jennifer Muiruri wakisikiliza kwa makini mafunzo hayo
 Wapigapicha wakiwa darasani wakifuatilia mafunzo
 Mkufunzi Mkuu wa Upigaji picha ambaye pia ni Mpigapicha kutoka Ujerumani ambaye anafanya shughuli zake nchini Kenya, Hartmut Fiebig akitoa maelekezo kwa wapigapicha.
Mpigapicha Mroki Mroki kutoka Tanzania, akihojiwa na vyombo vya habari kuhusiana na mafunzo hayo ya Upigajipicha


MAADHIMISHO YA SIKU YA KUMBUKUMBU YA MASHUJAA VIWANJA VYA MNAZI MMOJA JIJINI DAR ES SALAAM LEO



 Rais Dkt. Jakaya Kikwete, akiweka Ngao  na Mkuki kwenye Mnara wa Mashujaa, wakati wa maadhimisho ya siku ya kumbukumbu ya Mashujaa, iliyofanyika kwenye Viwanja vya Mnazi Mmoja jijini Dar es Salaam, leo.
Mkuu wa Majeshi, Davis Mwamunyange akitoka kuweka silaha ya jadi kwenye Mnara wa Mashujaa, wakati wa maadhimisho ya siku ya kumbukumbu ya Mashujaa, iliyofanyika kwenye Viwanja vya Mnazi Mmoja jijini Dar es Salaam, leo.
 Rais wa Jamhuri ya Muungano wa Tanzania, Dkt. Jakaya Kikwete, akiwasili kwenye viwanja vya Mnazi Mmoja jijini Dar es Salaam leo, kuhudhuria sherehe za maadhimisho ya siku ya kumbukumbu ya Mashujaa, leo.
 Kutoka (kushoto) Rais Dkt. Jakaya Kikwete, Mkuu wa Majeshi, Davis Mwamunyange, Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, Rais wa Zanzibar, Dkt. Ali Mohamed Shein, Makamu wa pili wa Rais wa Zanzibar, Balozi Seif Idd, Rais Mstaafu wa awamu ya pili, Ali Hassan Mwinyi,  Spika wa Baraza la Wawakilishi Zanzibar, Pandu Ameir Kificho....., Waziri wa Ulinzi na Jeshi la Kujenga Taifa, Shamsi Vuai Nahodha na Mkuu wa Mkoa wa Dar es salaam, Said Meck Sadiq,  wakiwa katika viwanja vya Mnazi  Mmoja wakihudhuria sherehe za maadhimisho ya siku ya kumbukumbu ya Mashujaa, leo.
 Sehemu ya wageni waalikwa na Mabalozi wa nchi mbalimbali waliohudhuria maadhimisho hayo.
 Askari wa Jeshi wakishiriki katika maadhimisho hayo, hapa wakiweka silaha begani.
 Ni ishara ya kutoa heshima kwa Mashujaa wapiganaji.
 Rais Dkt. Jakaya Kikwete, akisalimiana na baadhi ya wazee waliopigana vita mbalimbali vya ukombozi wa nchi ya Tanzania, waliohudhuria katika maadhimisho ya siku ya kumbukumbu ya Mashujaa, iliyofanyika kwenye Viwanja vya Mnazi Mmoja jijini Dar es Salaam, leo.
 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na baadhi ya wazee waliopigana vita mbalimbali vya ukombozi wa nchi ya Tanzania, waliohudhuria katika maadhimisho ya siku ya kumbukumbu ya Mashujaa, iliyofanyika kwenye Viwanja vya Mnazi Mmoja jijini Dar es Salaam, leo.
 Huyu ni Mzee CUF, ni maarufu kwa upigaji picha za kuuza 'BANYAA' huyu pia ni miongoni mwa wapiganaji ambao walipata kupigania haki ya Mtanzania wa leo enzi hizo, ambaye kwa sasa kazi yake kubwa ni kujishughulisha na uuzaji wa picha katika shughuli mbalimbali, hapa akihaha kusaka matukio ya kuweka katika karatasi ya picha zake ambazo baadaye atafanya biashara. Mzee huyu baada ya kuona siku ya leo ni muhimu hata kwake pia lakini akiweka kazi yake mbele zaidi ili kujipatika kipato alionelea ni vyema naye pia akakumbukia mavazi yake haya aliyoyavaa na kutinga nayo eneo la tukio ili kuepuka kusumbuliwa na wahusika aweze kuingia kirahisi eneo la tukio kama unavyomuona akiwa bize na vazi lake huku akiwa na begi  kubwa la kamera wakati kajikamera alikonako ni kibiriti. Hii yote ni janja tu ilimradi mkono uende kimiani.
 Mzee CUF, akiwa bize kunasa picha za wajeda wakiwa katika paredi, begani ni bonge la begi la kamera  ambalo ndani yake halina kilichokusudwa.
 Mzee CUF bado yu bize........
 Sheikh Mkuu wa Mkoa wa Dar es Salaam, Alhad Mussa Salum, akiomba dua kwa niaba ya waislam wakati wa maadhimisho hayo leo.
 Kiongozi wa dini ya kikristo, Mchungaji Kamoyo, akiomba sala kwa niaba ya wakristo wakati wa maadhimisho hayo.
Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na wakuu wa Vyombo vya Ulinzi na Usalama, wakati akiondoka kwenye uwanja wa Mnazi Mmoja jijini Dar es Salaam leo baada ya kuhudhuria sherehe za maadhimisho ya siku ya kumbukumbu ya Mashujaa.


RAIS WA ZANZIBAR DKT SHEIN AMUAPISHA WAZIRI WAZIRI MPYA WA MIUNDOMBINU BAADA YA WA AWALI KUTANGAZA KUJIUZULU JUZI




Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, akimuapisha Rashid Seif Suleiman, kuwa Waziri wa Miundombinu na Mawasiliano, wakati wa  hafla fupi iliyofanyika Ikulu Mjini Zanzibar jana

Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, akimuapisha Sheikh Daudi Khamis Salim,  kuwa Kadhi wa Rufaa Pemba, wakati wa hafla iliyofanyika Ikulu Mjini Zanzibar jana.
Makamo wa Pili wa Rais wa Zanzibar, Balozi Seif Ali Iddi, akisalimiana na Viongozi waliohudhuria katika hafla ya kiapo cha Waziri Mpya wa Miundombinu,Rashid Seif Suleiman, katika Ukumbi wa Ikulu Mjini Zanzibar Jana.Picha na Ramadhan Otrhman,Ikulu
Posted by at 0 comments
Subscribe to: Posts (Atom)